أميرة علوان تكتب: الصداقه والحب

أميرة علوان (أرشيفية)

---

الصداقه كلمه حلوه معناها أجمل مما يكون وأجملها أما تكون مبنيه خارج نطاق المصلحه، وتكون عن حب الشخص لذاته والمحبه مش تبقى مجرد كلمه دي مشاعر كتير حلوه وصادقه "وفاء، أمان، إخلاص، إستقرار، وقفه جدعنه وقت الشده، إستقرار" تعُود والتعود فحد ذاته حمل تقيل تعلق الروح والقلب والعقل بروح وقلب بشخص آخر صداقه وحب يعني ضمير يعني تتقي الله في كل من تتعامل معه إنسان .

انسان وثق في الآخر وآمنه أكل من أيده خرج معاه وهو مش عارف رايح على فين اديته مفتاح عربيتك وشقتك، دخلته بيتك ونيمته على فرشتك عرفته بأهل بيتك واتبهيت بيه قدامهم ده صاحبي ودي صاحبتي حكيت له أسرارك وفضفضت له وكشفت له عن نقاط ضعفك ومقلقتش إنه في يوم ما يستغلها، حد في يوم آمنت تديله فلوسك يشيلهالك والفيزا بالباسورد حد قعدته جمبك علي السفره أكل معاك ومع مراتك وأولاد واختك وامك وأهلك ميخونكش صاحب .

صاحب الضمير الصاحي إللي لو جتله الفرصه على طبق من فضه ميخونكش صاحب جدع يكون لك مرايه يكون لك أخ لن تلده أمك.

صاحب إللي يوم نجاحك يحضنك ويشيلك ويلف بيك ميغيرش ميحقدش ميستخسرش فيك حبيب جميل خفيف الروح والظل، أبن ناس ومحترم ميبتسمش في وشك ومن جواه بيغلي ويحترق، صاحب إللي يدخل بيتك وهو داخل لغايه ميخرج يدعيلك ويدعى لأهل البيت بكل خير، إللي بيقول الله أكبر واللهم صلى علي النبي واللهم زيد وبارك، إللي يقولك عيوبك وينبهك في عز فرحكم مش إللي يجاملك وينافقك، ووقت الزعل بينكم يفاجئوك بغلهم ويصرحوا ويعايروك بعيوبك وينسوا كل الحلو إللي كان بينكم والعيش والملح والعشر.

صاحب إللي يفرح لفرحك ويزعل لزعلك، إللي وقت الشده ميهربش منك ومينتظرش أنك تطلب منه يقف جنبك صاحب الصاحب إللي أول ميشوفك يقراء ملامحك ويحسك فرحان ولا وفيه من أمك وأبوك وأخوك واختك، صاحب إللي يدخل بيتك ورأسه في الأرض متتفتحش على أهل بيتك، صاحب إللي ميلفش عليك لا من قدامك ولا من وراك ولا عمره يفضح فيك ويطلع سرك ولا يجرحك، إللي يخاف عليك من الجرح والصدمه والاهانه، من الغريب قبل منه صاحب إللي يقسم معاك كل حاجه حلوه، إللي لو اتسال عنك يحكي فيك كل حاجه حلوه ويعمل إنه مشفشي منك أي حاجه وحشه، إللي يجيلك ماشي على رجله وهو ممعهوش عشان حس للحظه أنك محتاجه جمبك ميقولشي معييش عربيه أو مشغول أو عندي أي ظروف .

صاحب إللي يحسسك أن أي حاجه مضايقاك بسيطه وهتعدي ويسحب منك كل طاقه سلبيه ويمنحك طاقه ايجابيه تخليك تشوف الدنيا رغم قسوتها لونها وردي متفرحش بالكره، إللي حواليك لأنهم وقت الشده مش هيبقى منهم إلا القليل وهيبان المعدن وقتها قشره ولا دهب أصيل، صاحب إللي يشجعك تكمل تعليمك وتوصل لطموحَك مش يغير ويكسر بخاطرك ويحسسك أنك عويل وتافه وأقل من أنك تكون ذو طموح وتوصل لشأن كبير وتعلي ويسندك ولو مقدرتش توصل لأهداف يصبرك ويسندك، ولو لقاك يائس وهتقف مش هتكمل يقويك ويشحنك طاقه إيجابية ويقولك أنت ضعيف فين صاحبي القوى إللي ميعرفش المستحيل إللي يتمناك الخير زي مبيتمناه لنفسه بالظبط، إللي يعلى منك مش يوطي بيك، إللي وأنت معاه يفخر بيك مش عشان شكلك وعربيتك ولبسك وأبن مين أو هو إيه لاء عشان هو صاحبك أبو معدن أصيل أبو الرجوله أبو قلب طيب، إللي معدنه أصيل إللي مش أي حد يعرف يقدر معدنه مهما كان فقير أنت الوحيد إللي هتقدروا صح أنك تصتضيفه في بيتك دي مش قليله لا عليك ولا عليه، ياه دي معناها كبير مش يقدره أي عويل أما تتعب أما تزعل أما تكتئب لو كلمته علي التليفون من نبره صوتك هيحس بيك ولو قدامه هيقراء ملامحك حتى لو كدبت وقولت لا يا صاحبي أنا كويس بخير، يرد عليك أنك كذاب لاء أنت فيك حاجه ومع أول ضغطه منه بتبوح له بكل ما فيك بدون خوف ولا تحفظ ومجرد بتحكي له تصبح مشكلتك كأنها مشكلته ويساهم علي الحل إللي يرضيك، صاحب إللي لو تعبت يقعد معاك ويراعيك يعملك كمدات وأما تتصل حبيبته ميبعدش عنك ويسيبك وأنت تعبان ويجري يحب في التليفون، إللي أما تتعب يتعب وأما تغيب توحشه وكان حاجه ضايعه منه وكأنك حبيب مش صديق، صاحب إللي أما يفكر يدعي لنفسه يفتكرك ويدعيلك بكل خير .

صاحب إللي لو شافك بتضحك وبالك رايق وشك جميل ولبسك شيك يكبر ويصلي علي النبي ويفرح بيك، إللي يهتم يحفظ كل تفاصيلك وطباعك، إللي يحبك ويقبلك كده زي ما أنت بعيوبك قبل مميزات، إللي بيخاف عليك وعلى زعلك واللي بيضايقك ميعملوش، إللي يصونك وعمره ما يبيعك ولا يخونك، صاحبك إللي يحبك مش تشوف منه غير كل خير، إللي يحبك بجد هيقولك عيوبك مش عشان يقلل منك لكن عشان تصلح عيوبك وتكون أحسن الناس حابب تكون حد جميل أوي وده أقل شيء يقدر يقدمه لك الصداقه والحب وتبقى أحلى وأجمل وأحسن الناس بس انتوا افهموهم صح.