السبت ٠٤ / يوليو / ٢٠٢٠ 04:28
أخر الأخبار

طبيبة تطيح بأخلاقيات مهنة الطب وتهين وتتوعد المرضي وتصفهم بالفلاحين معدومى العقل

صورة الطبيبة "سمر أحمد" من صفحتها الشخصية
صورة الطبيبة "سمر أحمد" من صفحتها الشخصية

الثلاثاء ١٠ / يوليو / ٢٠١٨ 01:31 ص نائل نبيل 18717 مشاركة
تم النسخ


  • الوضع في مصر
  • اليوم
    0
  • وفيات اليوم
    0
  • اصابات
    0
  • تعافي
    0
  • وفيات
    0
z
  • الوضع في العالم
  • اليوم
    0
  • وفيات اليوم
    0
  • اصابات
    0
  • تعافي
    0
  • وفيات
    0

نشرت طبيبة نساء وتوليد تدعي "سمر أحمد" بوست عبر صفحتها الشخصية بموقع التواصل الإجتماعي "فيسبوك"، قذمت فيه مهنة الطب السامية، وتوعدت المرضى ووصفتهم بأنهم دون المستوى وفلاحين، وليسوا فى مستواها، وأعترفت هذه الطبيبة بارتكابها جريمة فى حق مريضة، وقالت "أنا مش بخاف"، حيث تركت سيدة أثناء لحظة الولادة، وصعدت لغرفتها بحسب شهادتها التي قالت فيها "أهل السيدة علوا صوتهم عليا سبتها تولد على نفسها وطلعت السكن".

فيما لاقي المنشور غضب شديد من رواد مواقع التواصل الإجتماعي، حيث دخلوا علي صفحتها ووجهوا لها النقد، فما كان من الطبيبة سوي أن قامت بتوجية الشتائم والسُباب للجمهور، ثم أغلقت صفحتها هرباً من المساءلة القانونية، حيث ما أقرت به على صفحتها يُعد شروع فى ارتكاب جريمة، وسب وقذف للمرضى.
وطالب جموع المصريين على مواقع التواصل الإجتماعي، إبلاغ نقابة الأطباء والجهات المسؤولة لمحاسبتها.

والجدير بالذكر، إن هذه الطبيبة التي تدعي "سمر أحمد"، خريجة كلية الطب جامعة المنصورة، وتعمل طبيبة في مستشفى السنبلاوين العام، كطبيب مُقيم.

وهذا كان ردها بالسُباب والشتائم علي الجمهور الذي انتقدها، وغضب مما كتبته علي صفحتها

مؤسسة الإبداع الإعلامي وتنمية المجتمع

وإليكم نص المنشور الخاص بهذه الطبيبة من علي صفحتها قبل أن تقوم بإغلاق صفحتها، حيث كتبت وقالت :

"لما الناس تشوف ملامحك ويقولوا انها طيبة ويستهبلوا عليك ويستغلوا طيبتك، واذ فجأة يغيروا كلامهم ويقولوا، ده دكتورة صعبة موت، يا أخي ومتكبرة وبتهزئ الناس آخر تهزئ، وسابت العيانة ومش سألت فيها والعيانة ولدت مع نفسها لمجرد أن أهل العيانة رفعوا صوتهم شوية، وسابتهم وصممت مش تولدها، وطلعت السكن عادي بكل هدوء والعيانة ولدت مع نفسها في الإستقبال.

لاء أنا كـ «سمر» بصفة عامة طيبة فقط مع الطيب،
لكن قليل الأدب هدوس عليك باوسخ جذمة قديمة وهيشوف مني وش مش شافه.

المحترم فقط بعطيه حقه غير كده كله في الزبالة عندي.

بشرح الموضوع مرة للعيانة، لكن هتعلي صوتها لا ياروح مامتك انتي واهلك، أنا مش ملزمة أصلاً أتعامل مع ناس أقل مني، ولا أقعد أفهم فيهم، ولا ناس فلاحين كلهم «mentallity zero»، «عقلية صفر».

وبعدين في ناس مش من مستوايا أصلاً أتعامل معاهم.
هتبقي محترمة وهادية وتسمعي الكلام، أوك تمام هعطيكي حقك.
لكن هتعلي الصوت أو تدلعي عليا وأنا بخيط، لا يا ماما غوري من وشي خالص، إن شاء الله تموتي بنزيفك.
ولا تولعي بجاز حتي، ولا بيهمني جزاء ولا بيهمني حاجة أبداً.

إنتي متعرفنيش أنا اللي يفكر بس يعلي صوته عليا بدوس عليه باحقر واوسخ جذمة قديمة.
غير مش من مستوايا أصلاً أتعامل مع شوية حثالة.

أنا مش بتعامل إلا مع ناس محترمة فقط : أي حد تاني غير كده ملوش مكان لا فى حياتي ولا فى شغلي، ولو بتموت مش هكشف عليها.

المحترم فقط هعطيه حقه غير كده كله ف الزبالة عندي.

واللي يغيظك في القري بالذات شوية بنات معتوهة في عقلها، يبقي مفيش طلق ولا وجع ولا حاجة وأول ما جوزها ولا حماتها دول بالذات يدخلوا عندها، تلاقي الصويت شغال علي أبوه والتأوهات بقي والتمثيل علي ابوه شغال.

ماشي ياروح أمك مثلي عليهم تمثيل براحتك، لكن مش تقرفي وتستهبلي علي دكتور النسا بالذات أصله عارف كل حاجة يا روح مامتك.

لاء وفي ناس قمة التخلف العقلي وقمة الجهل، تبقي الست عندها مشيمة متقدمة وتكون «accreta» مثلا ونزيف وكوارث، وتقولك والنبي يادكتورة هو انا حامل ولد ولا بنت وده كل همها، طيب بالنسبة لـ «accreta» دي مش مهم.

والله انا بقي كـ «دكتورة سمر» بقول العكس علطول، لو ولد بقول بنت ولو بنت بقول ولد، أو الخبطها بأي طريقة عشان تروح تجيب هدوم ولد بقي وتعيش علي امل ولد ويعيشوا الحلم الجميل وتغرم فلوس هدوم ولد أو بنت والاخر تلاقي العكس ويا حرام الحلم ينهار، عقابا ليها عشان تتعلم بعد كده ترضي باللي جوة بطنها أياً كان وترضي باللي ربنا كاتبه، أو أنا بالذات متسألنيش لاني مش هريحك عشان تبقي ترضي باللي جواكى.

واللي عنده عقد نفسية من الأطباء كونهم أطباء وهو لا، وعنده عقد يبعد من هنا ويروح يتعالج نفسيا في أي داهية.

لان الأطباء ياما شافوا كتير من المعقدين نفسياً، فياريت بلاش تلزييق وأبعد من صفحتي، لأني بعرف أرد كويس اوي عن الناس الحثالة المختلة نفسياً وعقلياً، أو اللي عندهم عقد نفسية من الأطباء".

وإليكم الصور التي تم التقاطها من المنشور الأصلي بصفحة هذه الطبيبة قبل أن تقوم بغلقها

مؤسسة الإبداع الإعلامي

مؤسسة الإبداع الإعلامي وتنمية المجتمع

وكالة أنباء m.c.news