موظف بحي شبرا الخيمة يستخدم نفوذة لتسميم الكلاب والإستيلاء علي شارع لعمل چراج خاص

موظف الحي يشير بيدة لموظف الطب البيطري لوضع السم للكلاب

---

تداول مستخدمى مواقع التواصل الإجتماعي «فيسبوك» ونشطاء جمعيات الرفق بالحيوان، فيديو لإستغاثة مواطن لمحافظ القاهرة ضد موظف بحي شبرا الخيمة يدعى "محمد صلاح"، يستخدم نفوذة فى فرض سيطرته علي المنطقة التي يسكن فيها، حيث إستعان بالطب البيطري لتسميم كلاب مسالمة كما هو ظاهر بالفيديو مما يعد جريمة ومخالفة لقانون حماية الحيوانات المسالمة.

بل إن الأمر تعدي ذلك فقام المدعو "محمد صلاح" الذي يعمل موظف بحي شبرا الخيمة بالإستيلاء علي جزء من شارع عام، عن طريق إقتطاع جزء جانبي من طريق عام لعمل چراج خاص لنفسه عن طريق تثبيت مواسير متصلة بجنازير لعمل هذا الچراج، مما يعد جريمة أخري تصدر من موظف عام يفترض أن يكون منوط منه إزالة الإشغالات من الشوارع، وليس هو من يقوم بعمل إشغالات!!.
وقد لاقي الفيديو إنتشار واسع وإهتمام كبير من شريحة كبيرة من مستخدمي مواقع التواصل الإجتماعي، الذين طالبوا بمعاقبة هذا الموظف.

وإليكم نص الإستغاثة التي وجهها مواطن إلي محافظ القاهرة، الذي لم يكتفي بمشاهدة هذه الجرائم وقرر أن يكون مواطن إيجابي :

"اغيثوني من هذا الكائن، انا المهندس جورج رزق الله صاحب مصنع شيكابوب لخرابيش القطط والكلاب في شبرا الخيمه لقيت عربية نقل مكشوفة جاية من حي غرب شبرا الخيمة عشان يسمو ال٤ كلاب الي في الشارع وجين عشان يخدمو واحد من الحي اسمو محمد صلاح هو الي لابس جاكت رصاصي و محموق وبيزعق علي اساس اخاف واسكت فيموتهم وعلي فكرة ابن عمو هو الي قتل الكلب بتاع حادث شارع الاهرام واخد ٣ سنين سجن هو العيلة عندها عداء للكلاب وكملن حاطط مصورتين في نص الشارع عشان عربية الباشا خلاص اشترا الشارع و بيرض عليا في الفديو ايوة اشتاريت الشارع مفيش بجاحة اكتر من كدة.
فين المحافيظ من واحد زي دة مخوف الناس عشان موظف في الحي فين رئيس الحي؟ فين الوزرة؟ فين المجتمع المدي المترابط عشان يقف قصاد واحد زي دة؟ فين الحكومة ؟ فينك ياسيسي.
وانا الي رجعت من بعد ١٠ سنين غربة عشان اعيش وسط اهلي الاقي الناس بقت متوحشة وبلطجية وكل واحد موطي راسو في الارض عشان ميحصلش مشاكل اصل الراجل دة شغال في الحي اوعا تعمل معاة عداوة ...
حسبي الله ونعم الوكيل فيكم
حسبي الله ونعم الوكيل فيكم جميعا
وفوضت امري ليك يارب توجع قلبهم عشان قتل الروح حرام
لو حد هيقدر يساعد باي طريقة عشان ميموتوش الكلاب وان الراجل دة اي اسمو محمد صلاح لازم يتعاقب ويتنقل من مكانو ولازم كل الناس تعرف انو اتجازا عشان يبطلو خوف لو حد هيساعد يبعتلي علي 01002449446".

وفي النهاية نقدم هذه الإستغاثة للسيد محافظ القاهرة، ولرئيس حي شبرا الخيمة، لإعادة ضبط إيقاع مثل هؤلاء الموظفين الذي يفترض منهم أن يكونوا نماذج يحتذى بهم في تطبيق القانون.

صورة استيلاء موظف الحي علي جزء من طريق عام لعمل چراج