زيزي ضاهر تكتب: عوج الغيم أمانينا.

الكاتبة والشاعرة زيزى ضاهر

---

تتذكر لما كنا صغار
والحلم كان لينا جوعان
تخمين حامل معه أخبار
وقلبك المشتاق شو بيغار
بتذكر والعمر مشوار غافي بظلي
توشوش عيوني من دون حكي
بحبك أنا والقمر سهران
والثلج سكران مثل إختيار
غافي على حفاف الورد
يغط على زرار الحلم
ويختفي مع حلمك وجي
تبقى تمر عا هاك الدار
لي مخبى بفي الحور
تخطف من العمر أسرار
وتقلي مشي معي يا رفيقة الأحلام
نسرق من الزمن مشوار
ها العمر كلنا فيه زوار
وكيف كان الوقت يركض
والزمن دوار شارد بحلمك وحلمي
غافي على مطارح عتيقة
ودهر هربان من عجقة البشر
بتوصلوا حروف أسامينا
بس العمر مشوار سارح
على غفلة سرقنا وهرب
وانسرق عمر الورد
مثل ورقة خريف
شاخت وتشردت
عبواب الحلم والألفة
وبلحظة غضب فرقتنا الأيام
وصرت أسأل عليهم بالخفا
دور عا ظلهم الباكي جفا
بلكي ضايع بعتمة الأوهام
فتش عرسمهم سارح حفا
بدروب الأيام من دون صلا
ورجوع تسكر عا مراية الأيام
قلت يمكن يرجعوا بكرا مع
صدفة من تذكارات عتيقة
ونكتب عوج الغيم أمانينا
يا عمر صرت بعدهم خريف
تنطر خيالهم مع مراية الأيام
تدور علفتاتهم بفي الحيطان
بلكي بيرجعوا مع غيمة خريف
ويمحوا من دروبنا
صدى الفرقة الحزين
ويردهم النا الحنين
تغيرت الدني
وسافروا الأحباب
دربهم صارت بعيدة
صدى وسنين طويلة
مجبولة بعتمة الأسرار
وعم أصرخ بالزمان
بلكي بيعود لي كان
بس يا خسارة الأحلام
مطرح ما كنا نلتقي
غيرت أسرارها الأيام
والباب لي كان مشرع
سكر بوابه وغير العنوان
كيف تنسى يا خيال العمر
دعساتهم
همساتهم
والليل غافي وسكران
بتذكره
والعمر هربان
يقلي نطريني
والدهر جوعان
بعيوني تخبى الوعد
والقدر غدار
من رسالة غدر تغير المشوار
ولي نطرها العمر
سرقته الأوهام
شو ناطرة بعد يا مراية الأحلام
تكسرت عبوابك فراشة الأحلام
روحي سرقي من الوعد
وراق الأيام
وحملي سلامك صور
وحروف مكتوبك
ترسم فينا لي بقي
من مشوار العمر
يكتب وشوشك
قصيدة حب
سافرت بكير
يمكن نلتقي
بليلة مطر
ونحفر عوج الشمس
أمانينا
ونغفى بحظن الحلم
ونام قبل ما يسرق
لي بقي منا
تذكار الأيام
بصمة وفا
مسافرة صدفة
تستوطن
بوابة الأحلام