فاطمة السقا تهاجم مها أحمد بسبب اهانتها لشقيقها "قطع لسان إللي يقول عليه ندل" وتدافع عن أمير كرارة

الفنان أحمد السقا والفنان أمير كرارة فى مسلسل نسل الأغراب (أرشيفية)

---

هاجمت فاطمة السقا، شقيقة الفنان أحمد السقا، الفنانة مها أحمد، في تعليق كتبته على منشور الأخيرة بموقع "فيسبوك"، الذي تحدثت خلاله عن نجمين كانت تعتبر أحدهما أخا إلا أنه خذلها وباعها حسب تعبيرها، بينما جعلها الثاني تدخل في حالة نفسية سيئة، وتمر باكتئاب.

حيث كتبت فاطمة منشور عبر صفحتها بالفيسبوك قالت فيه :

الكلام ده موجه ليكى يا أستاذة فى إشارة إلي «مها أحمد» بدل ما تفضلي تمسحى ردى كل شوية .

وأضافت، "أبهرتيني يا مها بأخلاقك العالية .. وبإنك افتكرتي العيش والملح اللي أكلتيه في البيت بتاع الفنان إللي مش عارفة تقولي أسمه، بس عرفتي تقولى عليه (ندل) .. إللي هو أحمد السقا .. بس أنا بقولك قدام الناس .. قطع لسان أي حد يقول عليه كده لأنه راجل كرمك ووقف جنبك إنتي ومجدي بدل المرة ألف، وأمير كرارة بردو راجل جدع ومحترم للي ما يعرفهوش في البوست بتاعك ده .. معرفش إيه الفرص اللي كانت عندك اللي كان يتمنى يشتغل معاكي فيها زمان؟! بس هو أي حد يتمنى يشتغل معاه دلوقتي أكيد .. وكلمة الدور بينادي صاحبه دي بتاعة أفلام .. ما بتتقالش في الحقيقة .. كفاية دراما وتشويه للناس".

وتابعت السقا: "وبعدين هما كممثلين مش مطالبين يقفو جنبك ولا يجيبولك أدوار على فكرة .. دي رؤية مخرج وناس بتوع كاستنج .. الحقيقة أنا مش عارفة إنتي عايزة إيه.. أنا مش شايفة بعد العشرة الطويلة اللي إنتي قولتي عليها غير كمية الحقد والشماتة، اللي كانوا متداريين ورا ابتسامة كدابة، معرفش إنتي إزاي كنتي بتدخلي بيوتنا .. وأنتي كده ست وحشه".

واختتمت: "نسيت أقولك السب والتطاول ده يدل على الأصل، وإحنا بقى ولاد ناس مع إننا عندنا كلام كتير أوي يتقال".

أخبار مُتعلقة