ابنة الممثل محمد شومان الهارب بتركيا تتبرأ منه وتناشد السلطات فى مصر مساعدتها بحذف اسمة من بطاقتها (فيديو)

الممثل الإخواني محمد شومان وابنته (تعبيريه)

---

وجهت لوجين شومان، إبنة الممثل محمد شومان الإخواني الهارب فى تركيا، رسالة عبر صفحتها الشخصية بموقع التواصل الإجتماعي «فيسبوك» من خلال بث مقطع مُصور، ردت فيه على البيان الذي أصدره والدها بصفحته الرسمية بالفيسبوك، بشأن أسرتها، حيث قالت الفتاة :

"أنا لوجين شومان ابنة محمد شومان إللى أصدر بيان انهاردة بشأن أسرته، واللي بيناشد فيه السلطات فى مصر أنهم ينقذوا أسرته إللى بيموتوا بالبطيئ، وأنهم يفرجوا عن أخويا من غير أي شروط".

وتابعت «لوجين»، الأول عاوزة أعلق وأقول إننا مش أسرتك علشان أنت مجرد أسم على البطاقة، وإحنا مالناش صلة بيك، وقطعنا كل ما له علاقة بيك من 5 سنين، وابنك إللى بتناشد السلطات علشان تطلعه ماتحملتش مسئوليته من وهو عنده سنة ونص واللى أمه ربته.

وأضافت إبنة الممثل الهارب، أنت مش رب أسرتنا، إحنا رب أسرتنا أمنا، أنت مش مسؤول عننا، ولا مسؤول مننا، مش من حقك تطلع تتكلم بلسانا، أنت تتكلم عن أخوك وابنه، بس مالكش دعوة بينا، وابنك إللي بتتكلم عنة بيتحقق معاه علشان يتأكدوا أنه ما فيش صلة بيك تماما، وهيطلع، متدخلش أرجوك.

شاهد نص رسالة أبنه الممثل محمد شومان التى تتبرأ فيها من والدها، وتطلب من السلطات فى مصر مساعدتها بحذف أسمه من بطاقتها الشخصية

واستكملت «لوجين» كلماتها موجهة رسالة إلى والدها الهارب فى تركيا قائلة:
"لو عاوز تعمل صورة الأب، إللى هو عاوز ينقذ أولاده، أنزل وواجه ده بنفسك، بس ماتبقاش قاعد في بلد تانية وتتكلم باسمنا".

ووجهت الفتاة رسالة للسلطات في مصر قائله:
"حاولنا نشيل أسمه، ونرفع قضايا بس ماعرفناش، وبنوجه رسالة للسلطات لو هما يعرفوا يساعدونا نعمل ده، خليكوا معانا، احنا بنحاول".

وعاودت توجيه رسالتها لـ «شومان»، قائلة:
"أرجوك ماتتكلمش بلسانا، وماتطلعش بيانات، أنت بتعمل ده بس علشانك، بتتكلم علشان تروج للفيلم بتاعك وبتعمل له دعايا على قفانا، مش عارفة أقولك إيه الحقيقة؟، أنت بتقول إن إحنا بنموت بالبطيئ، وجودك أذى لينا، إحنا موجودين هنا بإرادتنا، مفيش أذى من الدولة علينا، وجودك هو الأذى الوحيد في حياتنا، إحنا هنا علشان عاوزين نفضل هنا ومن غيرك".