ميرفت غنيم تكتب: عندما تتحرك المشاعر بعد غفلة من الزمن.

الشاعرة ميرفت غنيم

---

مشاعر أتحركت جوايا ... مكنتش واخدة بالى منها.

من همسة ... من نظرة ... من  لمسة ... كانت معاك أنت.

أنت مين؟ ... وكنت فين؟ ... من سنين.

أنت حلم ... أنت علم ... ولا بين البنين؟.

بحبك ... بعشق عنيك ... الصادقين.

بحبك ... يا حلم ... بحلم بيه ... من سنين.

أتكلم ... سمعنى صوتك ... كمان ... وكمان.

أحضنى ... حسسنى معاك ... بالأمان.

حبيبى ... أنت كنت فين ... من زمان؟.

جواك حب ... وعشق ... وجنون ... وحنان.

أنت وطنى ... ودارى ... ماليش بعد حضنك ... مكان.

أعشقنى قد ما تقدر ... أحضنى قد ما تقدر.

نسينى بنظرة منك ... مر وعذاب زمان.

حركت فيا حاجات كتير ... كنت فكراها ... ماتت.

أرتويت بعد عطش السنين ... وعشت في ذكرياتك.

أتمنيت الوقت يقف بيا ... وما يعديش.

أتمنيت تفضل حاضنى ... ومتسبنيش.

حبيبى ... بجد بقول لك ... أنا بعيد عنك ... ما قدرش أعيش.

شفت معاك الأمان ... وحسيت معاك ... بالحنان.

يمكن عرفاك دلوقتى ... لكن بجد قلبى ... عرفك من زمان.

بحبك يا حبيبي ... وأتمنى تكون من نصيبى ... حتى ولو ... في الأحلام.

سمعنى كلام كتير معسول ... سمعنى وقول ... وقول ... وقول.

بحبك ... بعشقك ... هفضل جمبك ... على طول.

يا نجمة في السما ... كانت بعيدة عليا.

يا فرحة من ربنا ... بعتهالى هدية.

مش قولتلك يا حبيبي ... أنت كتير عليا.

نظرة عنيك تملانى حنين ... وضحكتك تمنع عنى ... حزن السنين.

أنا حبيتك ... وقلبي وروحي ... ليك مشتاقين.

فداك عمري ... فداك روحي ... فداك قلبي ... فداك كل غالي ... وثمين.

معقول في حنان بالشكل ده؟ ... معقول في جمال بالشكل ده؟.

أنا بعشقك ... وقلبى بيك مجنون.

أوعى يا عمرى ... قلبى عليك ... في يوم يهون.

الحب نور ... وهدي ... وجنون.

الحب ... قلب حزين ... محتاج لقلب ... حنون.

أطلب منى وأتمنى ... لأوامرك ... أنا بستنى.

حبينى ... أعشقينى ... دوبينى ... أغمرينى ... بحبك.

يا حبيبتي دفينى ... وعن كل أحزاني ... أبعدينى.

من كل الآمى خدينى ... أرد عليك ... يا قلبى تعالى ... أرتوى من بحر حنينى.