السبت ٢٨ / نوفمبر / ٢٠٢٠ 07:21
أخر الأخبار

د.مايسة رضا تكتب: حسام شوقي «موهبة علي الطريق».

د.مايسة رضا
د.مايسة رضا

الأربعاء ٠٢ / أغسطس / ٢٠١٧ 04:34 ص د.مايسة رضا 10675 مشاركة
تم النسخ

  • الوضع في مصر
  • اليوم
    0
  • وفيات اليوم
    0
  • اصابات
    0
  • تعافي
    0
  • وفيات
    0
z
  • الوضع في العالم
  • اليوم
    0
  • وفيات اليوم
    0
  • اصابات
    0
  • تعافي
    0
  • وفيات
    0

 

«حسام شوقي» ... خليكوا فاكرين الأسم ده.

صديق من زمان علي صفحتي ... طلبت منه إننا نفتتح هذا الباب الصحفي والذي يحمل عنوان «محلولة»، بحيث نفتتح أولي الأعمال الصحفية في هذا الباب بأسمه والتعريف بموهبته.

لفت نظري إن مواضيعه مختلفة موش تقليدية
موقف يحصل ... دقايق الاقي بيتين شعر عن رأيه في الموقف ... حاله حب.
تلاقي كلام حلو تقراه وأنت بتلحنه ... يتخانق بالشعر .. يتصالح بالشعر .. حتي لما حب يقول إنه بيحب الأكل ... قالها بالشعر ... لقيته بيكتب أغاني راب ... بالعربي ... تحسه كده موهوب بالفطره ... نغمة كلامه مختلفة ... استغربت إزاي عندنا مواهب موجودة وسطنا ومحدش من المطربين منتبه ليهم ... أنغام ... عمرو ... حماقي ... الناس دي بتدور في فلك مجموعة شعرا بيكتبوا حلو بس محتاجين الدم الجديد ... يمكن محدش بيعرفهم بيهم قولت نبدأ «بحسام شوقي».

ونقول للناس عنا ناس بتتنفس كلام عامي بسيط وحلو ... لو قرر يقول موضوع بيقوله بالشعر ... حتي يوم لما اتخانق عملها راب.

حسام شوقي بيكتب شعر حلو ... تشوفه لما أتكلم عن التدين الظاهري كتب وقال :

مليون صلاة عالنبي
مشبعتش جعان
ولا ألف سجدة صلاة
كانت كست عريان
فالدنيا من غير عمل
تفضل ذليل خسران
ومش هيفرق صيامك
ولا حفظك القرآن
قبل الصلاه عالنبي
لازم يكون فيه عمل
ولا عمر طول السجود
وحده يبلغ أمل
حصرخ ولازم تفوقو
الوضع لا يحتمل
إحنا فوطن غرقان
علقتم الزينه ؟ ولعتم الصواريخ ؟
عليتو صوت المسلسل ؟ علشان يغطي الصريخ؟وسألتو شيخ المشايخ عالقبله ف المريخ ؟
خليكو حاجزين مكانكو فميه البطيخ
شفت بعنيك التحرش ؟
وماله أعمل عبيط
وتعالي ساعة الملامه
شارك معاهم وزيط
إيه اللي خلاها اصلاً
إيه اللي وداها اصلاً
إيه اللي نزلها اصلاً
والدنيا فالبزرميط
وتعالي ساعة الصلاة
أطلب صلاح الدين
يرجع يقود الجحافل
ويحرر المسلمين
وحترجع الأندلس
حنصلي ففلسطين
وفساعة النرفزه
لا تشوف ضمير ولا دين
ألفين سلامه يا حاج وعمره مقبولة
عاوزين حقووقنا يا حاج الدولة مسئولة
الدين بقه حركات
منظر بلا مضمون
واللي يقول اختشو
قالو عليه مجنون
بالعقل مش بالعدد
لو حتي 100 مليون
برضو حنفضل كدة
نتذل للأجنبي
طول ماحنا كده فاشلين
ما بنقتديش بالنبي

ولما حب يتغزل في الأكل ويغيظ الحب كتب وقال :

أنا راجل بحب الأكل
بحبه بشكل غير عادي
مخلي أحلي أوقاتي
بقضيها قصاد فتافيت
أسيبها أروح لست البيت
قناة الطبخ أغنيلها أنا حبيت
وليه إحنا نروح لحجات
و يبقي عندنا إهتمامات
بتاذينا وتوجعنا
ده حب الأكل شيء راقي
يخلي للحياة معني
لا عمر الأكل يوم خاننا ولا بكلامه صدعنا
أنا المحشي
أنا المحشي حبيب قلبي
ولو جنبي أقول يا سلام
أنا اللي بحب رز برام ومتعمر
أنا راجل ضعيف جداً قصاد الشوي
صباع الكفته لو شوفته أروحله بسرعة وأشمر
أنا الممبار يوديني بلاد الشام
ولو فالحشو لحمه مفرومة أقول يا سلام
أنا الفته بخل وتوم
وحته لحمه مالضاني
أخلص طبقي وأجي أقوم
أحس إني عاوز تاني
أنا انسان لا يمكن أمل
قصاد مكرونه بالبشاميل
وريحته الشوي لما تهل
ماللحمه
دي متسويه علي الفحمه
انا الفرحة فمفهومي
أشوف قدامي ديك رومي
أفضلية أنا يومي
ونتستلي
أنا لسه حتغرفلي ؟
اوام إديني م الحله
بكون مبسوط وأنا قاعد قصاد الفرن مستني
طواجن قاعدة تتسوي
بكون فرحان بريحه الشوي والدخان
وطبخه بأيدي سويتها
سايبها شويه تتهوي
أنا ريقي بطل فالجري
ورا الأسماك بأنواعها
وليا شهيه مفتوحة
عشان دايماً بدللعها
ومرة فطيره بالقشطة وبالسكر
ومرة كنافة بالكستر
دنا ممكن كدة أسكر
من الروقان
تقوللي هريسه محشية
تجيبلي حتي عسليه
أعيش ونسان
من الآخر أنا واحد بحب الأكل
وشايف إنها نعمه ما ليها حدود
وبزعل لما أشوف الناس بتهملها
إهانه الأكل بالنسبالي شيء مرفوض.

ولما صعبت عليه بلدة واحوالها كتب لها وقال :

بقول لنفسي معلشي
مبزعلشي
مبقفششي
مفيش ولا حاجه تستاهل
ضياع الوقت مش ساهل
خسارة يضيع علي الفاضي
بضحك نفسي بالعافيه
فعز المحنه والكافيه
وبنسي الدنيا وهوانها
وبعمل نفسي من بنها
وأمثل إن أنا راضي
عرفت خلاص مفيش فايده
بلاها جراح ونار قايده
وقله عقل ومزايده
وقهر ومر بقي عادي
وأقول لنفسي معلشي
ومزعلش ومقفششي
ومهما تكشري فوشي
حقول مشكورة يا بلادي

حسام شوقي بيتنفس شعر ... كتب في مواضيع مختلفه غير الحب والهجر والخصام ... فتح موضوعات جديدة في الشعر العامي وتناولة بخفه دم ووقار من غير إبتذال.

محتاجين نعرف ولاد مصر الموهوبين ونلغي فكرة إن اللي بيشتهروا نص موهبه وعلاقات كتير ... أو ساعات تافهين بيركبوا المراجيح ... كفاية مراجيح وتفاهه ... مصر ولاده ... ولادها بيتكلموا حلو من غير إسفاف ... ساعدونا نغير اللي بيحصل ... عرفونا بالمواهب الجديده وخلينا نقول مصر ولاده.

حسام شوقي من الإسكندرية، خريج كلية الحقوق جامعة الإسكندرية

تابعوا أعماله علي هاش تاج #حسام_شوقي

لإستقبال كافة المواهب وعرض بعض المشكلات للنشر والتعريف بها والتواصل مع الكاتب :
برجاء الضغط علي هذا الرابط

 

يستقبل الموقع كافة المقالات من المتخصصين فى كافة اوجه ومجالات التنمية أرسل مقالك

شارك مع اصدقائك


شارك بتعليقك
اقرأ ايضا
الأعلي مشاهده
فيديو المؤسسة
المزيد
مقالات
المزيد
Image
  • القاهرة - مصر
  • Image%
  • Image

اليوم

  • Image
    ° العظمى
  • Image
    ° الصغرى

غداَ

  • Image
    ° العظمى
  • Image
    ° الصغرى