محمد رمضان يصور لقطات كليب بمطعم البرنس عنوة ومُنتج رمضان يهدد البرنس متتكلمش (فيديو)

ناصر البرنس يكشف كواليس ما فعلة محمد رمضان بالمطعم

---

• البرنس لـ «محمد رمضان» أنت جايب ناس تهددني وتيجي المحل وتصور كليب غصب عنى؟.

• ناصر البرنس لـ «محمد رمضان» سأقاضيك ولن أترك حقي.

• البرنس: مُنتج محمد رمضان قالي "متتكلمش في الموضوع ده علشان متزعلش مني".

كشف ناصر البرنس صاحب إحدى المطاعم الشهيرة في محافظة الجيزة، كواليس ظهور الفنان محمد رمضان، في مطعمه قبل أيام، وتسببه في حدوث حالة ازدحام وفوضي في محيط المطعم ووسط رواد المطعم.

وقال "البرنس"، في فيديو بثه عبر فيس بوك، إنَّه تفاجئ باتصال هاتفي من قبل أحد العاملين معه في المطعم، يُخبره بأنَّ محمد رمضان سيصل المطعم بعد قليل، وأضاف "كنت حريصًا على استقباله والترحيب به"، مؤكّدًا أنَّه تفاجأ بوجود 8 كاميرات بحوزة المُرافقين لـ «رمضان» استغربت وقلت أكيد فيه حاجة غلط .. كلمت المُنتج إللي مع محمد رمضان أسأله .. قالي متتكلمش في الموضوع ده علشان متزعلش مني.

واستكمل البرنس وقال، فيه نجوم بيجوا عندي المطعم وأصورهم بس باستأذنهم عشان دي الأصول.

ووجه "البرنس" رسالة لـ"رمضان" قال فيها:

"أنت جايب ناس تهددني، وتيجي تصور فى المحل غصب عني ومن غير استئذان، ما فيه نجوم بيجوا عندي المطعم وباستأذنهم قبل ما اصورهم عشان دي الأصول، وأنت جاى تاخد المحل أو البراند بتاعى وتصور فيه غصب عنى".

واختتم صاحب المطعم الشهير الفيديو قائلًا:

"أنا هرفع دعوة قضائية، والبلد دي هتجيب لي حقي، أنا مش هسيب حقي، عشان مفيش صداقة في العمل، أنت نجم عالي آه لكن متهددنيش".

ثم عرض «البرنس» فى نهاية حديثة اللقطات المُصورة التى التقطتها كاميرات المراقبة للمحل، أثناء قيام «رمضان» بالدخول وسط رواد المطعم وبدء الرقص والاستعراض للحصول على لقطات الكليب، فيما حدثت مشاحنات بين بعض رواد المطعم وبعض المرافقين لـ «محمد رمضان» نتيجة الإزعاج والتزاحم حولهم أثناء تناولهم للطعام، كما اظهرتها كاميرات مراقبة المحل.

شاهد كواليس الواقعة التى رواها صاحب المطعم