الخميس ١٤ / نوفمبر / ٢٠١٩ 11:55 ص
أخر الأخبار

قمر تستغيث علي التواصل الإجتماعي بالداخلية "عاوزة حقي وإلا هنتحر"

صورة الضحية قمر عمر والجانى
صورة الضحية قمر عمر والجانى

السبت ١٢ / أكتوبر / ٢٠١٩ 11:17 م نائل نبيل 662 مشاركة
تم النسخ

نشرت فتاة تدعي «قمر عمر» عبر صفحتها الشخصية بموقع التواصل الإجتماعي «فيسبوك» استغاثة لكل مسؤول في مصر، بعد تعرضها للضرب بمطواة في وجهها من زوج أختها البلطجي بحسب ما ذكرت، مما أحدث لها عاهة مستديمة في الوجه، وقالت في سياق استغاثتها «عاوزة حقي وإلا هنتحر»، وجاءت قصة «قمر عمر» كالآتي بحسب ما نشرت علي صفحتها الشخصية :

"(قمر وانتي قمر) أول كلمه بسمعها لما حد يتعرف عليا سواء فشغلي أو دراستي أو اي حته .
اترددت كتير اني اعمل كده وانزل صورتي بالشكل ده يعز عليا انا داخله علي اسبوع قاعده بعاهتي دي ومحدش يعرف عني حاجه مخبيه علي كل الناس مش عاوزه اصعب علي حد .
هحكي قصه تعباني مبهدلاني بقالها شهور ماليش ااااي ذنب فيها كل ذنبي حنيتي الزياده حنيتي اللي معروفه بيها عند اي مخلوق يعرفني ... الكائن الارهابي اللي فالصوره ده عنده ورشه الومتال وكان شغال فالبوسته واختي كانت بتقبض معاش منه المهم اتقدملها واحنا رفضنا مسكتش وجه اتقدم تاني وهي موافقه عليه فحنا كمان وافقنا خطبها وبعد كده كتب الكتاب بعد كتب الكتاب .

قال ممعيش فلوس لسه هتجيلي بعد شهر وشهر جاب شهر جاب شهر لغايه ما بقينا ف شعبان بابا وماما اتخانقو معاها قالولها كتب الكتاب طول ورمضان هيخش ومفيش جواز فرمضان وبما أنه ممعهوش فلوس فابسط حاجه أنهم ينفصلو وهو كراجل مش خسران لكن هي تبقي مطلقه.

انا مبقدرش اشوف عابر سبيل يعدي من ادامي من غير ما أجبر بخاطره ولا حد غريب يبقي ف ضيقه من غير ما اساعده تفتكرو هسيب اختي؟ المهم جبت فلوسي اللي شغاله بيها بقالي سنين وشيلاها لجهازي ورحت اديتها لاختي قولتلها انزلو هاتو عفش واتجوز قبل رمضان واتجوزو وخلفو مكه مصرفش عليها مليم برغم روحه فيها ومتعلق بيها لكن يصرف ويعالج ويكسي وياكل لا...مفيش مده بسيطه وساب البوسته سرق العهده وهرب بشهاده موظفين بوسته عرب الحصن وجيرانه فالمنطقة بعين شمس قرب المطرية.

حماه اختي الكبيره طلبت أنه يروح ياخدلها المقاسات ويعملها الومتال وهي ست محترمه جدا وعلي نياتها راح اخد 5000ج ومشي مرجعش، وبعد فتره اختي اللي هي طليقته جتلنا بوصل امانه عايزه 6000ج عشان الارهابي طليقها هيتحبس طبعا اديناها ودي اخر فلوس طلعناها بعد فتره حاول تاني فحورات بحيس اننا نساعده لكن خلااااص ... ابتدي بقا فقله الادب مش هقولكم لما شمام ميلاقيش اي مصدر دخل وفنفس الوقت ساعدناه مره واتنين وتلاته يعني حاطط فباله اننا نقدر نساعده انا كنت احن واحده علي بنته كل شوية اشتريلها لعب واجبلها لبس وهي مروحه ابعت معاها بعلبه البامبرز و100ج فايديها وحاجات تانيه كتير بجانب أن اختي طيبه ومتعرفش حاجه كانت دايما تحكيلي عن تصرفاته وطريقه كلامه اقولها الشخص ده مش طبيعي تحسه ارهابي كل كلامه قال الله وقال الرسول وهو أفعاله كلها اجرام وعنف ودم وافعال محرمه شايف كل الناس وسخه وقذره وهو ابن الله بيفتري عالناس بالباطل وده طبعه حتي مع طليقته القديمه اللي واخد منها 3 عيال عافيه وده مع الاسف عرفناه متأخر .

المهم اختي كل ما تتخانق معاه تقوله اختي جابتلي اختي عملتلي وهو مش عاوز كده عاوزها جعانه ومكسوره ومتلاقيش متوه ول ا حد غيره
ساب اختي وساب الدنيا كلها وحطني فدماغه هااتك يا تهديدات من 50 اكونت اعمل بلوك يطلعلي ع التاني ورسائل نصيه عالفون قله ادب وتهديدات اتقدملي عريس وكنت هتجوز بعد أقل من شهر راح كلم العريس باقبح الألفاظ وكلم أهله قالهم علينا ما لا يقال مع التهديدات والفضائح قعدت فالبيت بقيت اخاف انزل من البيت لغايه ما سبت شغلي خالص وسبت خطيبي وبردو مكفهوش اتحبست فالبيت ورسائل تهديدات ليا ولمرات اخويا ولجوز اختي واخواته ودمر نفسيه اكتر من 5 أسر كان غرضه أن الكل يطلق والكل يتشرد والكل يسيب شغله ويتفضح وانا بالفعل قعدت واتحبست فالبيت وجيت يوم الاتنين اللي فات 7 اكتوبر الساعه 3 ونص العصر نزلت أنا وابن اختي اكشف عندي كحه وبرد لاقيته معرفش طلعلي منين وضربني بمطوة في وشي وجري وحصل فيا زي ما انتوا شايفين كده .

دمر حياتي ودمر مستقبلي ودمر نفسيتي وكل ده مكتفاش لسه بيبعتلي تهديدات وبيشتم فالحكومة بيقولي لا انتو ولا الحكومه هتعرفو تجيبوني انا يعز عليا اكتب اللي كتبته لكن ربنا شهيد كل كلمه قولتها عليه انا بكتب الكلام ده وانا قاعده لوحدي انا وامي الست اللي معديه ال65 سنه وصايمه بتعدي امتا ربنا هيستجيب الله اعلم انا مش طايقه ادخل شارعنا ولا شقتنا ولا أكلم حد ولا اشوف حد وادامي 20 يوم علي ما افك السلك لو ربنا ما اردش ورجعت زي ما كنت ابقو اترحمو عليا الموت ارحملي .

بالمناسبه انا بتعالج دلوقتي والكالونه لسه فايدي وماما من الصبح عاوزه تنزل تجبلي اكل وحاجات وانا منعتها عشان هو لسه باعتلي تهديدات انه هيعورهالي وانا معنديش الا هي.

هو هربان وهنفضل احنا عايشين كده خايفين لا يموت حد فينا او يعمل في وش حد فينا كده تاني انا خايفة ومش عارفه اعمل ايه حياتي اتدمرت ومستقبلي اتدمر وبقيت مشوهة .

كل اللي طلباه انه يتحاكم على اللي عمله وبيعمله مليش غير ربنا وبقول حسبي الله ونعم الوكيل لازم القضية تبقى رأي عام .

لو حد يعرف مكانه أو شافه قبل كده يبلغ عنه هاتولي حقي .. حسبي الله ونعم الوكيل ربنا يخلصلي منه انا خايفه اشوف وشي بعد ما افك السلك يا رب رحمتك ولو وشي باظ ومرجعش زي الاول انا هنتحر اترحموا عليا وقتها .

شير يا جماعة لازم الكلام ده يوصل لكل شخص في مصر" .

هذا وقد تفاعل رواد مواقع التواصل الإجتماعي مع الفتاة المجني عليها، مطالبين بسرعة القبض علي البلطجي الذي قام بالاعتداء علي الفتاة، مناشدين كل من يتعرف علي هذا الشخص بسرعة الإبلاغ عنه .

للتواصل مع الضحية إضغط هــنا

صورة من نص استغاثة الفتاة بصفحتها الشخصية بالفيسبوك

استغاثة فتاة بالداخلية

استغاثة فتاة

استغاثة فتاة

استغاثة فتاة بالداخلية

استغاثة فتاة بالداخلية

صور الجاني

الاعتداء علي فتاة

صور الضحية

الاعتداء علي فتاة

الاعتداء علي فتاة بالمطرية

يستقبل الموقع كافة المقالات من المتخصصين فى كافة اوجه ومجالات التنمية أرسل مقالك

شارك مع اصدقائك


شارك بتعليقك
اقرأ ايضا
فيديو المؤسسة
المزيد
مقالات
المزيد
Image
  • القاهرة - مصر
  • Image%
  • Image

اليوم

  • Image
    ° العظمى
  • Image
    ° الصغرى

غداَ

  • Image
    ° العظمى
  • Image
    ° الصغرى