نصائح لكي تكونى زوجة واعية (مقال ساخر)

إيمان آل ذاكر

---

أوعي جوزك يحس إنك يعتمد عليكي، عارفه ليه؟
هقولك أنا؛ يا ستي اولاً الراجل عشان يحس برجولته معاكي لازم يحس إنه مسيطر، وأنك معتمدة عليه في كل حاجه اوهميه إنتى بده فاكره فيلم مراتي مدير عام لما شادية بقت المديرة على زوجها الحياه بينهم خربت، لأن الراجل مش حابب مراته تبقى مدير عام بالبيت والشغل.

عزيزتي مهما كانت شخصيتك قويه ولكي سلطه ومال تظاهري بالضعف، مع زوجك لأن سي السيد دي بالجينات مهما تعلم الرجل أو أصبح متحضراً، حسسيه إنك لايصه من غيره عشان ترضي غروره، لأنك لو كنتي ست يعتمد عليها هتلاقي سحب نفسه من مسؤلية البيت، وفضى نفسه لوحده غيرك.
لازم تحسسيه بأنه راجل قوي، يعني أنتي تهدي حيلك وهو يشوف نفسه فعيون وحده غيرك؟.
افتكرت نكته واحد اتجوز أتنين ولما كبرت المسؤولية عليه قرر يطلق وحده فيهم فادى مبلغ من المال متساوي لكل وحده، وبعد شهر سألهم عنه، لقى وحده صرفت كل المبلغ قبل ما يخلص الشهر والتانيه صرفت جزء صغير ووفرت الباقي قام طلق الي عرفت توفر بحجة إنها ست ممكن تعتمد على نفسها والتانيه محتاجه الرعاية أظن كده المعلومه وصلت؟.