ماذا كتبت رانيا فريد شوقي في الذكرى الـ19 لرحيل والدها؟
كتبت الفنانة رانيا فريد شوقي في الذكرى التاسعة عشر لرحيل والدها الفنان العملاق، «فريد شوقي»، كلمات مغلفة بالمشاعر المختلفة، بعضها تصف مشاعر الحزن نتيجة الفراق، والأخر مشاعر تعبر عن الفخر والإعتزاز والشعور بالأمان الذي تحيا فيه لمجرد إنها ابنة الفنان «فريد شوقي».
لتندمج كل تلك المشاعر مع بعضها لتخرج علي جمهورها المحب بل والعاشق للفنان العظيم الراحل فريد شوقي، بكلمات تشبة مقطوعة موسيقية، تجمع ما بين النغمات الحزينة والنغمات التي تدعو للأمل والتفاؤل، وإليكم ما كتبته الفنانه رانيا فريد شوقي علي صفحتها الشخصية بالفيسبوك :
النهاردة الذكري ال19 علي وفاة ابويا الملك فريد شوقي و الاب ابو البنات امتي و ازي عديت السنين دي كلها و الله ماعارفة يااااه وحشتني اووووي عارف اكتر حاجة وحشتني ايه ضحكتك اللي تفرح القلب و تحسيسني بجمال الدنيا اما حضنك فده المادة الخام للحنية و الامان عارف يا بابا ان بحمد ربنا علي نعم كتيررر اولهم انك ابويا مش بس لانك فنان عظيم و اسطورة مستمرة حتي بعد رحيلك و الكل دايما بيحكي عن جمال اخلاقك و جدعنتك و تواضعك و خفة دمك و طيبتك و عطائك لكل حبايبك و زمايلك و حتي اللي متعرفهمش كنت بتساعد الكل و حبك لابوك و امك و اخواتك و تعمل المستحيل عشان تحقق لهم طلباتهم من غير حتي مايطلبوا كنت ابن بار باهله و اتوفوا و هما بيدعولك و كانوا فخورين بيك تاني حاجة بحمد ربنا عليها اللي انت زرعتوا جوايا الانسانية بكل معانيها الانسانية اللي بقت عمله نادرة اليومين دول انا فاكرة كل كلمة و نظرة و شخطه و ضحكة و هزاره عشتاها معاك انا الحمدلله عايشة باسمك و سيرتك الطيبة و حب جماهيرك العريضة في كل العالم العربي بيقولوا ان الانسان له نصيب من اسمة و انت اسمك فريد لانك فعلا فريد الروح و القلب و العطاء و الحنيه و الفن و كل حاجة انت فريد فيها و اي حد عرفك بيقول كده انا فخورة اني بنتك بتشرف بأسمك و اتباهي بيه اديت رسالتك الفنية بكل شرف و حب و امانة و رسالتك الانسانية كمان و لو في تصرفات مننا اسأت لاسمك يبقي احنا اولادك اللي مسؤلين عنها لانك ربيتنا صح و سامحنا عليها
لما ولدت بنتي فريدة طلعت من المستشفي علي المقابر عشان اوريهالك و اعدت اكلمك و قولك فاكر لما انا كنت حامل و قولتلك نفسك في ولد و لا بنت قولتلي بنت قولتلك انت مازهقتش من البنات و اعدنا نفكر هنسميها ايه لو بنت و ايه لو ولد و انت تقول اسامي و تضحك و سبحان الله ماجبناش سيرة اسم فريدة ده خالص و اول ما ولدتها سميتها فريدة بس انت كنت مشيت و سبتني مالحقتش تشوفها عشان كده جتلك المقابر تشوفها و تفرح معايا و سبحان الله يوم تخرج فريدة من المدرسة روحك حضرت معانا عشان تفرحنا و تقولي انا معاكم و حاسيس بيكم. لو قالولي نفسك في ايه؟ نفسي ربنا ياخد اللي فاضل من عمري و ترجع تشوف و تفرح و تلعب باحفادك فريد و فريدة و علي و ملك حتي ملك علي اسمك الملك
دول افتقدوا كتير اوي بغيابك
اقولك سر تامر جوزي كنت هتحبه اوي لانه في كتير منك
بحببببببببك يا فريد عمري ❤❤❤
ولد الفنان شوقي في 30 يوليو 1920 بحي البغالة بالسيدة زينب بالقاهرة.
ونشأ الراحل في حي الحلمية الجديدة، حيث انتقلت إليه الأسرة وهذا الحي يتوسط عدة أحياء شعبية قديمة، كأحياء السيدة زينب والقلعة والحسين والغورية وعابدين وشارع محمد علي وباب الخلق، وتلقى دراسته الإبتدائية في مدرسة الناصرية التي حصل منها على الإبتدائية عام 1937 وهو في الخامسة عشر من عمره، ثم التحق بمدرسة الفنون التطبيقية وحصل منها على الدبلوم.
تزوج الفنان الراحل خمس مرات، الأولى من ممثلة هاوية وهو في الثامنة عشر من عمره وكانت تغار عليه كثيرًا، أما الثانية من محامية أحبها كثيرًا وقال لها: إن لم تتزوجه سينتحر ثم تزوج من ممثلة غير معروفة تسمى زينب عبدالهادي وأنجب منها منى، ثم تزوج من النجمة هدى سلطان التي أحبها حتى وفاته رغم الإنفصال وأنجب منها ناهد ومها، وأخيرًا السيدة سهير ترك التي ظلت معه حتى وفاته وأنجب منها عبير ورانيا لذلك لقب بأبو البنات.
أما عن بدايته الفنية فكان أول أعماله فيلم "ملاك الرحمة" عام 1946 مع أمينة رزق وإخراج يوسف وهبي، وعلي مدار تاريخية الفني قام بالإشتراك فيما يقرب من 400 فيلم سينمائى، وشارك في أكثر من 18 مسرحية، وشارك في أكثر من 12 مسلسلاً.
وعن التكريمات حصل الفنان الراحل علي العديد من الجوائز والتكريمات والتي بلغ عددها 92 جائزة وتكريم، أبرزها وسام الفنون الذي سلمه له الرئيس جمال عبدالناصر.
توفى فريد شوقي في 27 يوليو 1998 عن عمر يناهز 78 عامًا، إثر التهاب رئوي حاد دام لمدة عامين نتيجة كثرة تدخين السجائر.
