الأربعاء ٢٤ / أبريل / ٢٠١٩ 08:53 م
أخر الأخبار

أميرة علوان تكتب: علشان إحنا واحد

أميرة علوان
أميرة علوان

السبت ١٢ / يناير / ٢٠١٩ 09:05 م أميرة علوان 1048 مشاركة
تم النسخ

علشان إحنا واحد حلاوتنا في المحنه لأنها بتجمعنا مع بعض وبنشعر إننا مطمنين ببعضنا البعض، لما بندافع عن بعض في عيد المسلم أو المسيحي بنخرج مشاعرنا الجميله تجاه بعضنا، ولما بنحسها أو نفتكرها بنحس وقتها إننا واحد ولا فرق بين مسلم ومسيحي، ده فيهم دمه بيجري في دمنا واللي ضحي من أجلنا، حتي اسألوا أي شهيد وهو خارج من بيته وكفنه شايله علي أيده وهو بيفكك قنابل سواء في مسجد أو كنيسه، سواء في عيد مسلم أو مسيحي، اسألوا بنك الدم وأنت عندك حاله حرجه بين الحياه والموت بتشتري الدم أو بيتبرعلك بدم سواء من مسلم أو مسيحي.

وقت الجد بتجمعنا وقفه قوية بجد في مصر وفي كل بيت فيه شهيد سواء مسلم أو مسيحي وهنفضل مستمرين متحدين علشان «إحنا واحد»، جامع وكنيسه وبينهم في مصر هتلاقي إللي مأمنهم سكة خير بين أخوات والحب أساس اديانهم، عدينا الليله بطريقتنا علي جسر الحب إللي رابطنا فرجوا للعالم قوتنا مصريين ومفيش منهم.

إقرأ المزيد

أنا دمي في عروقهم، وبنشرب من نفس الماء، فرجوا للعالم قوتنا وبقول لكل أعدائنا إحنا المصريين صعب هزيمتنا أفتكر لما بنتعب ونروح لدكتور يعالجنا أو يعمل لنا عمليه وقتها مش بنختار ديانة الدكتور بنتطمن لأنه مصري فقط.

الشرطه دائمآ علي الطريق منهم المسلم والمسيحي موجود عشان يحمينا وهو بيحمينا مش بنختار ولا بيفرق ديانة إللي بيحمينا، ولا بيحسبها ده مسلم وده مسيحي، وأنت واقف في الكمين بيبصوا علي الجنسيه المصرية متعرض يموت في أي لحظه علشان يحمينا ويحمي بلادة .

أفتكر إللي بيعلم ولادنا في المدرسة والجامعة، أفتكر جارك والترزي ورئيسك وزمايلك في الشغل، أفتكر أي عمل فني اسعدنا مش بنسال الفنان ده مسلم ولا مسيحي؟ هو بيسعدنا وبيقدم لنا فنه لم يختار فنان ولا جمهور من نفس ديانته.

أفتكر لو ماشي في الشارع وحصلت خناقه واستنجدت، هتلاقي نفسك بتستنجد بالمصري مش بتختار تستنجد بواحد من نفس ديانتك، فقط بتكتفي إنه مصري، أفتح قلبك بالخير وحب الغير تحت مسمي مصري .

وأحنا بنتعرف علي بعض بنسال أنت من فين؟ بنرد ونقول أجدع ناس مع إننا كلنا في مصر، وكلنا جدعان.

ورساله لكل إرهابي جبان هتهد هنبني وهنفضل متحدين حتي النهاية، وصعب عليك تفرقنا إحنا المصريين مسلم ومسيحي، زي الأهلي والزمالك كلنا بنمثل مصر، وببعت سلامي لمينا، وبيشوي، ودميانه إسحاق، وماري، وجورج، وجرجس، ورامي كمال، وهاني وليم، ومرقس فوزي، ومارك، أصدقائي، ورغم الظروف بهنيهم بعيدهم وكل سنه وانتوا طيبين، الأعمال الإرهابية في الأعياد القصد منها إفساد فرحتنا بالأعياد، وبرسل تعزيه لأهل الشهيد مصطفي عبيد وتحيه لاعظم إنجاز للسيسي وهو بناء مسجد وكنيسه معاً.

الشهيد الرائد مصطفى عبيد

مؤسسة الإبداع الإعلامي

يستقبل الموقع كافة المقالات من المتخصصين فى كافة اوجه ومجالات التنمية أرسل مقالك

شارك مع اصدقائك


شارك بتعليقك
اقرأ ايضا
فيديو المؤسسة
المزيد
مقالات
المزيد
Image
  • القاهرة - مصر
  • Image%
  • Image

اليوم

  • Image
    ° العظمى
  • Image
    ° الصغرى

غداَ

  • Image
    ° العظمى
  • Image
    ° الصغرى